“P. Diddi” kimi tanınan amerikalı reper Şon Kombsun həbsxanada imtiyazlı şəraitdə cəza çəkdiyi iddia olunur.
İsti.press xəbər verir ki, “NBC News” məlumatı məhbuslardan birinə istinadən yayıb.
İddiaya görə, bir neçə məhbus Kombsa xidmət edir, onun əşyalarını yığışdırır, yemək hazırlayır və masaj edir. Reperin həbsxanada istifadəsi qadağan olunan telefon və planşetdən yararlandığı, həmçinin bahalı spirtli içkilər əldə etdiyi də bildirilir.
Hazırda Şon Kombs Nyu-Cersidəki Fort-Diks federal həbsxanasında cəza çəkir. Mənbələr onun həbsxanada əvvəlki həyat tərzini davam etdirmək üçün hər ay minlərlə dollar xərclədiyini iddia edib.
Qeyd edək ki, Kombs 2025-ci ilin iyulunda narkotik təsiri altında seksual xarakterli əlaqələr üçün insanları ştatlar arasında daşımaqda təqsirli bilinib və 4 il 2 ay müddətinə azadlıqdan məhrum edilib.
