Teleaparıcı Zaur Baxşəliyev məktəb dövrü ilə bağlı maraqlı etirafları ilə diqqət çəkib.
İsti.press xəbər verir ki, o, uşaqlıq illərində müəllimlərindən çəkdiyi qorxunu və başına gələn hadisələri yada salıb.
Aparıcı bildirib ki, Əbülfət adlı müəllimindən xüsusilə çəkinirmiş. Bir dəfə dərsdə etdiyi şıltaqlığa görə müəllimi çantasını onun başına vurub. Çantanın dəmir hissəsi başına dəydiyindən həmin nahiyədə şiş yaranıb. Lakin Zaur evdə qorxusundan baş verənləri heç kimə danışmayıb.
Baxşəliyev digər bir hadisəni də xatırlayıb. Onun sözlərinə görə, müəlliminin gəlini Nailə müəllimə də vaxtilə ona cəza verib. Belə ki, Şuşada uşaqları toplayaraq meşəyə aparan Zaur geri qayıtdıqdan sonra müəlliməsindən şillə alıb. Zaur həmin zərbədən sonra qulağının cingildədiyini söyləyib.
Aparıcının illər sonra dilə gətirdiyi bu xatirələr maraqla qarşılanıb.
