Amerikalı televiziya ulduzu və milyarder iş qadını Kim Kardashian keçmiş həyat yoldaşı Kanye West ilə münasibətindən olan dörd övladına baxmaq üçün beş dayə tutduğunu açıqlayıb.
İsti.press xəbər verir ki, 45 yaşlı Kardashian yeni müsahibəsində bildirib ki, uşaqları – North, Saint, Chicago və Psalm onun yanında olduqları zaman dayələr növbəli şəkildə onlara nəzarət edir.
Bununla belə, məşhur ulduz uşaqlarını məktəbə aparıb-gətirdiyini və hər axşam ailə süfrəsində onlarla birlikdə olduğunu deyib.
Dörd uşaq anası olan Kardashian analıqla yanaşı, biznes və televiziya fəaliyyətini də davam etdirir. O, 2007-ci ildən realiti-şoularda rol alır, 2018-ci ildə hüquq təhsili almağa başlayıb və 2019-cu ildə öz formaverici geyim markasını yaradıb.
