Türkiyəli mərhum aktyor Kadir İnanırın vəsiyyəti ətrafında yaranan müzakirələr səngimək bilmir.
İsti.press xəbər verir ki, mərhum aktyorun bütün əmlakını həyat yoldaşı Jülide Kurala vəsiyyət etdiyi barədə yayılan məlumatlardan sonra ailə üzvləri arasında mübahisələr yaranıb. İnanırın bacısı oğlu Levent İnanır vəsiyyətnaməyə etiraz edəcəyini açıqlayıb.
İndiyədək müzakirələrə münasibət bildirməyən Jülide Kural isə səssizliyini pozub. O, açıqlamasında aktyorun vəfatından hələ dörd ay keçmədiyini xatırladaraq onun xatirəsinə hörmətlə yanaşılmasının vacibliyini vurğulayıb:
“Kadiri torpağa tapşırmağımızdan hələ dörd ay belə keçməyib. Onun adına, əməyinə, iradəsinə və şərəfinə hörmət göstərmək yalnız vəfa məsələsi deyil. Bu, insani, əxlaqi və vicdani məsuliyyətdir. İnanıram ki, onun həyatı boyu müdafiə etdiyi dəyərlərə və geridə qoyduğu böyük əməyə hörmət bütün mübahisələrdən üstün tutulmalıdır”.
Qeyd edək ki, Kadir İnanır iyunun 26-da 77 yaşında vəfat edib.
