Müğənni İradə İbrahimova övladlarının təhsili və gələcək planları barədə danışıb.
İsti.press xəbər verir ki, sənətçi bu haqda “Qonaqcanlı” proqramında bəhs edib.O, övladlarının təhsilinə məsuliyyətlə yanaşdıqlarını bildirib.
“Övladlarıma təhsillə bağlı məsuliyyəti ötürə bilmişəm. Təhsillərinə ciddi yanaşırlar. Qızımın 16 yaşı var, ağıllı uşaqdır. Gözüm heç arxada deyil. Həyat yoldaşım da bu yolda mənə dəstək olur, mənəvi cəhətdən əlimdən tutur. Uşaqlar nənə və babalarının nəzarətindədir. Mən olmayanda da həyat öz axarında davam edir. Uşaqlar məktəbə gedir, evdə yeməkləri hazırlanır, dərslərini oxuyurlar.
İpəyin musiqiyə marağı var. Özünə deyirəm ki, musiqi yolunda davam edək, amma razılaşmır. O, həkim olmaq istəyir. Piano çalır, müəllim olmaq üçün sertifikat almağa hazırlaşır.
Bizdə markalara, geyimə, gəzməyə yox, təhsilə pul xərclənir. Uşaqlara deyirəm ki, atalarının imkanı olduğu müddətdə təhsilləri üçün bundan istifadə etsinlər. Geyim, brend gəldi-gedərdir. Bizdə ən çox pul təhsilə gedir”, – deyə müğənni qeyd edib.
