Portuqaliya millisinin keçmiş futbolçusu Pepe Futbol Federasiyasının (FPF) fondunun İdarə Heyətində təmsil olunacaq.
İsti.press xəbər verir ki, FPF-nin mətbuat xidmətinin yaydığı məlumata əsasən, sabiq müdafiəçi qurumun fondunun İdarə Heyətinə üzv seçilib.
Pepe 2007-2017-ci illərdə İspaniyanın “Real” klubunda çıxış edib. Bu müddətdə Madrid təmsilçisinin heyətində 334 oyuna çıxan futbolçu 14 titul qazanıb. Onun uğurları arasında UEFA Çempionlar Liqasının üçqat, La Liqanın isə üçqat qalibi olması da var.
Portuqaliya yığması ilə də böyük nailiyyətlərə imza atan Pepe 2016-cı ildə Avropa çempionluğunu, 2019-cu ildə isə UEFA Millətlər Liqasının qalibliyini qeyd edib.
Xatırladaq ki, 41 yaşlı keçmiş futbolçu 2024-cü ilin avqustunda karyerasını bitirdiyini açıqlayıb.
