Dünya şöhrətli futbolçu Kriştiano Ronaldo Lissabonda dəyəri 30 milyon avro (təxminən 57 milyon manat) olan nəhəng malikanə tikdirir.
İsti.press xəbər verir ki, Portuqaliya mətbuatının məlumatına görə, futbolçunun gələcəkdə yaşamağı planlaşdırdığı malikanə ölkəsinin paytaxtı Lissabonun mərkəzindən 30 kilometr məsafədə inşa edilir.
Malikanədə 23 otaq, 7 vanna otağı olacaq. Mülkdı iki – Atlantik okeanına açılan mənzərəsi olan hovuzla yanaşı, şüşə döşəməli xüsusi hovuzun da inşa ediləcəyi qeyd olunur.
Villa müasir avadanlıqlarla təchiz olunmuş şəxsi kinoteatr da yer alacaq. Bundan başqa, Ronaldonun milyonlarla avro dəyərində lüks avtomobil kolleksiyasını saxlamaq üçün 20 avtomobillik yeraltı qaraj tikiləcək.
