Türkiyəli aktyor Kadir İnanırın həyat yoldaşı Jülide Kural sənətçinin vəfatından 1 həftə sonra Bodruma tətilə getdiyi barədə iddialara münasibət bildirib.
İsti.press xəbər verir ki, Jülide iddiaların həqiqəti əks etdirmədiyini, Bodruma istirahət üçün deyil, səhhətində yaranan problemlərlə əlaqədar getdiyini deyib:
“Dəfn mərasimindən üç həftə sonra Bodruma getdim. Tətilə deyil, sağlamlıq mərkəzinə getmişdim. Psixoloji vəziyyətim yaxşı olmadığı üçün bir həftə terapiya aldım. Hələ də özümü toparlaya bilməmişəm. Çətin günlər keçirirəm, Kadirin yoxluğuna alışa bilmirəm”.
Jülide haqqında səsləndirilən iddialarla bağlı hüquqi proses başladacağını açıqlayıb.
Qeyd edək ki, Kadir İnanır iyunun 26-da 77 yaşında vəfat edib. Onun 2022-ci ildə notariusda tərtib etdiyi sənəddə əmlakını uzun illər həyat yoldaşı olmuş Jülide Kurala vəsiyyət etdiyi bildirilir. Vəsiyyətnamənin açıqlanması ilə bağlı məhkəmə prosesi isə bəzi vərəsələrə bildirişlərin çatdırılmaması səbəbindən dekabrın 17-dək təxirə salınıb.
