Aktyor Nicat Rəhimov son illərdə aktyor nəslinin yetişmədiyini bildirib.
İsti.press xəbər verir ki, sənətçi bu haqda “İncə səhər” proqramında danışıb. O, özündən yaşca böyük və ya həmyaşıdları arasında istedadlı aktyorların olduğunu, lakin onlardan sonra gələn nəsildə bunu görmədiyini deyib:
“Bizdən yuxarıda Rafael İsgəndərov, Coşqun Rəhimov var, istedadlıdırlar. Bizim yaşıdlarımız da gəlir. Amma bizdən sonra heç kim yoxdur. Kimisə görmürəm. İstedadlı gənclər var. Aktyorluqla sosial şəbəkəni səhv salırlar. Video çəkir, sənət yoxdur, amma deyir ki, aktyoram. Təhsil önəmlidir. Amma insan doğulandan aktyor olmalıdır”.
